Nesër fillon aktiviteti i Bashkimit Ndërkombëtar të Rinisë Socialiste në Jalë, ku organizohet festivali vjetor veror, Këtë vit organizatore është LRI ndërsa mbështetet edhe nga FRESSH dhe Parta Socialiste Europiane.
Nënkryetari i LRI-së Klevi Pojana, ka publikuar një foto ku shihet me kryetaren e këtij forumi rinor, Floida Kërpaçin, ndërsa shprehet se është gati për të nisur aktivitetin.
“Gjithçka gati për të startuar për herë të parë në Shqipëri me ftesë të Lëvizjes Rinore për Integrim festivali i përvitshëm i IUSY!”, shkruan Pojana.
Kujtojmë se disa ditë më parë, FRESSH u fut në konflikt me LRI pas një deklarate, të cilës i dhanë zgjidhje të rinjtë e Internacionales Socialiste.
“Të rinjtë e FRESSH dhe LRI-së janë bashkë në këtë aktivitet për të treguar vlerat më të mira të shqiptarëve, ndaj edhe një herë i lutemi kryesisë së LSI-së të distancohet nga këto mënyra të politikëbërjes dhe t’i lejojë të rinjtë të jenë pjesë dhe model i një të ardhmeje më të mirë për Shqipërinë dhe shqiptarët.”, deklaronte FRESSH.
Mirëpo përmes një deklarate për mediat, Internacionalja e të rinjve Socialistë sqaroi se festa organizohet nga LRI, por mbështetet gjithashtu nga FRESSH dhe Partia Socialiste Europiane.
“Eventi mbahet nga LRI-ja dhe mbështetet nga FRESSH dhe PS. Në festival do të jenë të pranishëm, Presidenti i zgjedhur, Meta dhe kryeministri Rama. Në mediat shqiptare ka patur disa keqkuptime për deklaratën tonë që i atribuohej FRESSH-it. Megjithatë, këto keqkuptime nuk e zbehin aspak klimën dhe organizimin e eventit”, thuhet në deklaratë.
Sakaq, Internacionalja e të rinjve Socialistë sqaron se FRESH e ka cituar gabimisht në deklaratën e tyre kundër LRI-së. (D.D/Shuplaka)
Discussion about this post