Gjykata në Colmar të Francës do të vendosë nesër përfundimisht për fatin e kreut të AAK-së, Ramush Haradinaj. Sipas nënkryetarit Ahmet Isufi, nuk ka asnjë opsion tjetër përveç lirimit të tij dhe kthimit në Kosovë.
“Ne e dimë qe z. Haradinaj nuk është dashur të ndalet fare për shkak se i ka kryer të gjitha obligimet sa i përket drejtësisë ndërkombëtarë dhe ka dalë i pafajshëm. Prandaj, ndalimi në Francë është i pakuptueshëm dhe i padrejtë. Presim qe vendimi i dy marsit të jetë i drejtë dhe ai të kthehet në Kosovë”, është shprehur ai për “Indeksonline”.
Në seancën e kaluar, gjykata nuk mori asnjë vendim duke e shtyrë seancën për në 2 mars. (XH.A/SHUPLAKA)
Discussion about this post