Trupi i pajetë i major Klodian Tanushi, që ra në krye të detyrës gjatë misionit të NATO në Letoni do të mbërrijë ditën e nesërme në Shqipëri në orën 12.45.
Pas ceremonisë dhe nderimeve me të cilat do të të pritet në aeroportin “Nënë Tereza”, ditën e enjte do të zhvillohen homazhet tek Muzeu Kombëtar.
Ashtu sikurse trupi i nëntetares Zarife Hasanaj, edhte trupi i Tanushit do të varroset në Varrezat e Dëshmorëve në Tiranë.
Ndërsa në ambasadat shqiptare në SHBA, Kanada, Kosovë, Rumani, Turqi, Bullgari, Itali, etj, është çelur libri i ngushëllimeve për të dy efektivët e Forcave të Armatosura shqiptare, të rënë në krye të detyrës.
Major Klodian Tanushi dhe Nëntetare Zarife Hasanaj humbën jetën më 6 maj gjatë shpërthimit të një mine në Letoni. Ndërkohë që ka mbetur i plagosur Rreshteri Juljan Kapaj.
Discussion about this post