Nesër mblidhet Këshilli Studentor për Universitetin, çfarë pritet të vendoset

Këshilli Kombëtar Studentor ka paralajmëruar se ditën e nesërme do të zhvillojë një mbledhje në në Fakultetin e Shkencave të Natyrës, në orën 14:00.

Takimi është propozuar nga Kryeministri Rama ku pritet të diskutohet mbi Paktin për Universitetin dhe 8 kërkesat e ngritura nga studentët.

Njoftimi i plotë

Më 28 Mars 2019, ora 14:00, “Këshilli Kombëtar Studentor” njofton kryetarët e Këshillit Studentor për Universitetet publike në mbledhje, e cila do të zhvillohet në sallën 103 B, tek Fakulteti i Shkencave të Natyrës (FSHN).

Gjatë takimit do të diskutohet ecuria dhe zbatueshmëria e paktit të universitetit, të propozuar nga Kryeministri i Shqipërisë z.Edi Rama. Njëkohësit do të diskutohet mbi tetë kërkesat e ngrituara gjatë protestës studentore të Dhjetorit 2018.

Në fund të takimit Këshilli Kombëtar Studentor do të dalë me një qëndrim zyrtar!