Klubi i Patriotëve të Rinj të PDIU-së ka paralajmëruar zhvillimin e një proteste përpara ambasadës maqedonase në Tiranë.
Të rinjtë e kësaj force politike njoftojnë përmes një deklarate për shtyp se tubimi do të zhvillohet ditën e premte, ora 11:45, përpara ambienteve të ambasadës.
Protesta e të rinjve të PDIU-së zhvillohet në mbështetje të partive politike shqiptare në Maqedoni, ndaj të cilave Presidenti Ivanov refuzoi formimin e qeverisë së re, duke mos pranuar kushtet e shqiptarëve.
Zhvillimet e fundit në Maqedoni kanë qenë jo të favorshme për shqiptarët pasi presidenti Ivanov e ka konsideruar platformën shqiptare si një shkelje të kushtetutës. Maqedonia akoma nuk ka mundur të krijojë një qeveri të re. (M.D/ Shuplaka)
