Nesër rikthehet Champions League, rregullat e reja që janë vendosur

Sistemi VAR do të përdoret për herë të parë në këtë fazë të Champions League që nga ndeshjet e ditës së nesërme.

VAR do të përdoret, por asistentët që do jenë në këtë dhomë nuk kanë të drejtë të ndërhyjnë në të gjitha episodet.

Momentet kur loja mund të ndalet nga asistetët në dhomën e VAR të shpjeguara nga UEFA:

• Në rastin e golave
• Në rastin e incidenteve në zonën e penalltisë
• Tek kartonat e kuq
• Gabime në identifikimin e lojtarëve
• Ekipi VAR do të kontrollojë të gjitha situatat që ndryshojnë ndeshjen, por do të ndërhyjnë vetëm për gabime të qarta dhe të dukshme. Arbitri mund të ndalojë lojën, ndërsa një vendim është duke u shqyrtuar.
• Nëse rishikimi i VAR jep prova të qarta për një gabim serioz në një nga situatat që ndryshojnë lojën, VAR mund t’i kërkojë gjyqtarit të kryejë një rishikim në terren (duke shikuar pamjet përsëritura në ekranin jashtë fushe). Vendimi përfundimtar mund të merret vetëm nga gjyqtari.
• VAR është gjithashtu në gjendje të marrë parasysh çdo shkelje që mund të ndodhë në ndërhyrjen e menjëhershme të incidentit (në nd^rtimin e aksioneve në fazën sulmuese të lojës).
• Për vendimet “faktike” (p.sh. pozicion jashtë loje, faulle brenda apo jashtë zonës së penalltisë), VAR thjesht mund të informojë gjyqtarin për këto fakte dhe nuk është e nevojshme për të parë ekranin në terren, por gjithmonë është arbitri që merr vendim përfundimtar.
• Procesi i rishikimit në terren do të komunikohet brenda stadiumit duke përdorur ose ekranet e stadiumit ose sistemin publik të njoftimit (nëpërmjet mikrofonave në stadium).
• Për shkak se VAR po përdoret, nuk do të ketë gjyqtarë asistent shtesë.

Ndërkohë Komiteti Ekzekutiv i UEFA-s vendosi gjithashtu të përdorë VAR-in në finalen e vitit 2019 në Europa League, finalet e Nations League në 2019 dhe turneun final të Kampionatit Europian të nën-21 vjeç.

Uefa Champions League rikthehet nesër në mbrëmjë në orën 21:00 me dy ndeshje për fazën e 1/8-ve, ku Roma do të presë në “Olimpico” Porton ndërsa Manchester United do të përballet me PSG në “Old Trafford”.