Në takimin e nesërm mes Lëvizjes Vetëvendosje dhe Lidhjes Demokratike të Kosovës do të marrin pjesë edhe përfaqësuesit e QUNTI-it dhe të Bashkimit Evropian.
Nënkryetarja e LDK-së, Vjosa Osmani, ka treguar për se në çfarë formati do të mbahet nesër takimi.
Negociatat vazhdojnë edhe nesër, në praninë e përfaqësuesve e QUINT-it dhe BE-së, e Osmani tregon se ky takim do të jetë ‘informativ’.
Sipas saj, në takimin e nesërm nuk pritet të ndërmjetësojnë vendet e QUINT-it për arritjen e marrëveshjes.
“Takim informativ, ashtu ka qenë ideja kur e diskutuam”, ka thënë Osmani.
Ajo ka treguar se ka qenë kërkesë e përbashkët e LDK-së dhe e Lëvizjes Vetëvendosje për të zhvilluar takim në praninë e ambasadorëve të QUINT-it.
Takimi që zgjati më shumë se dy orë sot në Kuvendin e Kosovës nuk rezultoi me marrëveshje për formimin e Qeverisë mes LDK-së e VV-së.
