Kryeministri i Izraelit, Benjamin Netanyahu, ka konfirmuar se Izraeli ka goditur objektiva bërthamore në Iran dhe tha se operacioni do të vazhdojë për shumë ditë.
“Çast më parë, Izraeli nisi operacionin “Rising Lion”, një operacion ushtarak i synuar për të zmbrapsur kërcënimin iranian ndaj mbijetesës së Izraelit”, tha Netanyahu në një fjalim televiziv.
“Ky operacion do të vazhdojë për aq ditë sa të duhen për të eliminuar këtë kërcënim.”
“Ky është një rrezik i qartë dhe i pranishëm për mbijetesën e Izraelit”, tha Netanyahu.
” Ne goditëm në krye të programit të armatimit bërthamor të Iranit”, shtoi ai.
“Ne shënjestruam uzinën kryesore të pasurimit të uraniumit të Iranit në Natanz. Ne shënjestruam shkencëtarët bërthamorë të Iranit që punojnë në bombën iraniane. Gjithashtu goditëm në zemër të programit të raketave balistike të Iranit.”
Netanyahu shtoi: “Duke mbrojtur veten, ne mbrojmë edhe të tjerët. Ne mbrojmë fqinjët tanë arabë. Edhe ata kanë vuajtur nga fushata e kaosit dhe masakrës së Iranit.”
