Izraeli ka një plan “shumë të organizuar” për të arritur qëllimet e tij të luftës në Gaza, theksoi Benjamin Netanyahu në një konferencë për shtyp, duke shtuar se lufta në Gaza ka “një qëllim të qartë dhe të justifikuar”.
Netanyahu përsëriti tre qëllimet e operacionit, siç i kishte vendosur që në fillim: “Të mposhtim Hamasin, të kthejmë të gjithë pengjet tona dhe të sigurohemi që Gaza të mos përbëjë kërcënim për Izraelin”.
Por, ndër të tjera, ai theksoi se zbatimi i planit të Donald Trump për të larguar palestinezët nga Rripi i Gazës është një parakusht për t’i dhënë fund luftës .
Synimet janë plotësuese “dhe ne duhet t’i arrijmë ato plotësisht”, theksoi ai më tej.
Ai tha se ka 20 pengje të konfirmuara të gjalla dhe “deri në 38” pengje të vrarë, duke premtuar madje se “ne do t’i kthejmë të gjithë”.
