“Never Enver”, Basha përkujton rrëzimin e bustit të diktatorit: Shqiptarët kanë sot një qëllim madhor

Kreu i PD-së Lulzim Basha ka përkujtuar sot 20 Shkurtin, ditën simbol të rrëzimit të bustit të ish-diktatorit Enver Hoxha.

Me një postim në rrjetet sociale, Basha thotë se 29 vite më pas, ende sot çdo shqiptar e ka një qëllim madhor, që ta bëjmë Shqipërinë si e gjithë Europa.

Postimi i Bashës;

20 shkurti është dita për të kujtuar me respekt të gjithë ata studentë dhe qytetarë që shembën simbolin e fundit komunist në Europë duke rrëzuar bustin e diktatorit.

Sot ne kujtojmë me krenari duke nderuar çdo shqiptar që në 20 shkurt mposhti frikën e komunizmit.

20 shkurti eshte dita e forcës dhe e kurajos, dhe hapi i parë në sherbimin ndaj Shqipërisë së lirë dhe demokratike. Sepse çdo shqiptar, si 29 vjet me parë dhe sot ka ende një qëllim madhor: ta bëjmë Shqiperinë si Europa.