Neymar aspak modest ndaj meksikanëve: Ata folën shumë, tani le të shkojnë në shtëpi

Brazili mposhti dje Meksikën me rezultatin 2-0 duke u kualifikuar kështu në çerekfinalet e Botërorit që po mbahet në Rusi.

Edhe pse Meksika ishte shumë e përgatitur, Brazili e dominoi ndeshjen. Ishte Neymar që shënoi golin e parë në minutën e 51 dhe asistoi në golin e dytë i cili u shënua nga Roberto Firminon.

Neymar ka folur pas fitores, ku është shprehur se meksikanët kanë folur shumë para ndeshjes, prandaj meritojnë të shkojnë në shtëpi.

“Ata folën shumë, tani le të shkojnë në shtëpi. Dua ta uroj tërë skuadrën. Gjatë ndeshjes ka momente kur vuani, këto janë ndeshje të vështira dhe Meksika është një skuadër e madhe, por ne treguam se kemi shumë klas. Sulmuesit tonë mund të shënojnë gola sepse ne e dimë që jemi të fortë edhe në mbrojtje”, u shpreh Neymar për gazetarër pasi përfundoi ndeshja.

I pyetur për shkeljen që Miguel Layun i bëri në këmbë, Neymar u përgjigj: “Ishte jo e drejtë. Topi nuk ishte në lojë dhe ne ishim jashtë fushes”.