Neymar beson se PSG do fitoj Champions League: “Tifozët janë si lojtari i 12-të”

Ylli i Paris Saint German, Neymar beson që do të fitojë Champions League këtë vit me PSG-në ku ka thënë se ka një ekip fantastik dhe trajner gjeni.

“PSG-ja do ta fitojë Ligën e Kampionëve. PSG-ja nuk është vetëm Neymar – ka një ekip shumë të mirë me trajner gjeni”, tha braziliani.

Gjithashtu sulmuesi i PSG-së flet edhe për tifozët e shumtë që mbështesin skuadrën.

“Tifozët e PSG-së janë si lojtari i 12-të kur ne luajmë në Paris. Pa asnjë dyshim do ta fitojmë Ligën e Kampionëve dhe unë do të luaj” shton më tej sulmuesi brazilian.

Neymar mungoi për shkak dëmtimi në ndeshjen që PSG luajti ndaj Manchester United ditën e martë në “Old Trafford” për Champions League ku francezët fituan me rezultatin 2-0 duke hedhur një hap më tej për fazën çerekfinale.