Neymar nuk është shfaqur në ditën e parë të stërvitjes pasditen e së hënës, këtë e ka zbuluar Paris Saint-Germain.
Sulmuesi, i cili përflitet për rikthimin te Barcelona, ishte në Brazil këtë fundjavë për të parë shokët e ekipit teksa fitonin Kupën e Amerikës.
Megjithatë, gjigantët e Ligue 1 PSG premtojnë se do të marrin masa ndaj yllit të ekipit.
Në deklaratën e klubit në faqen zyrtare shkruhet: “Neymar nuk është shfaqur në stërvitje në kohën dhe vendin e rënë dakord, ai nuk ka marrë leje nga personat e autorizuar nga klubi.
PSG-së i vjen keq për këtë situatë dhe do të marrë masat e duhura ndaj tij.”
