Neymar nuk është paraqitur në Paris për fillimin e fazës përgatitore dhe Leonardo e nxori blof, duke thënë se klubi francez nuk kishte dijeni për mungesën e tij, edhe pse babai i Neymar tha se PSG ishte informuar për impenjimet promocionale të sulmuesit, i cili është ende i dëmtuar.
UOL Esporte në Brazil raporton se Neymar do të gjobitet për mungesën në stërvitjen e së hënës, me një shifër që pritet të shkojë 375,000 euro në muaj.
Detaje të tjera ka shtuar ‘Football Leaks’, platforma që zbulon skandalet e futbollit. Sipas saj, Neymar do të gjobitet me 12,000 euro në ditë, që praktikisht çon në shifrën mujore raportuar nga UOL Esporte.
Një gjobë e tillë bazohet te klauzola e etikës, që çdo futbollist i PSG-së ka në kontratë. Klubi francez e ka përfshirë me synimin për të parandaluar raste si ai i Rabiot sezonin e shkuar, me mesfushorin që u la jashtë ekipit të parë dhe pagoi një gjobë të majme.
Discussion about this post