Kryeministri Edi Rama prej më shumë se 1 orë po mban një fjalim në teatrin Art Turbina, me spektatorë ministrat, deputetët dhe kryebashkiakët e tij ku ka shpalosur gjithë arritjet e qeverisë së tij, ka sulmuar kundërshtarët me udhëtimet ‘bussines class’ (me të cilat udhëton vetëm vetë, jo qeveria e tij për shkak të shtyllës kurrizore) me banesat (mijëra shqiptarë e kanë më të mirë vilën se ai) dhe thirrjet e tyre alarmante për shpopullim (mëse normale kur një i ri sheh jetën e Kardashianëve dhe Ronaldo Kristianos).
Por pas të gjitha arritjeve, kryeministri ka premtuar dhe të tjera brenda vitit 2020.
Një nga prioritetet do të jetë mbyllja e gjithë sporteleve dhe kalimi online i shërbimeve publike.
“Prioriteti dytë është, duke filluar nga 1 Janari deri në 2020, të mbyllen të gjitha sportelet që iu shërbejnë qytetarëve. Të gjitha shërbimet që kanë lidhje me aplikimet të bëhen online. Nga 1 Janari 40% e shërbimeve do të bëhen online. E para sduhet të ketë më kontakt mes qytetarit që shërbehet dhe atij që shërben, që na e kanë marrë fytyrën, na e kanë nxirë jetën. Deri në qershor 67 për qind do të jenë të mbyllur dhe deri në fund të vitit 2020 thuajse 100 për qind të jenë vetëm online“, tha Rama.
Discussion about this post