Nga data 1 Prill, shqiptarët do të mund të udhëtojnë pa viza në një tjetër shtet europian, atë të Ukrainës. Bëhet fjalë për një marrëveshje të arritur mes dy vendeve që mundëson anulimin e ndërsjellë të vizave.
Ka qenë Konsulli i Përgjithshëm i Ukrainës në Mynih, Vadym Kostiuk, ai që ka bërë të ditur hyrjen në fuqi të marrëveshjes, përmes një postimi në rrjetin social “Facebook”:
“Më 1 prill 2017 hyn në fuqi marrëveshja midis Këshillit të Ministrave të Ukrainës dhe Këshillit të Ministrave të Republikës së Shqipërisë për anulimin e ndërsjellë të kërkesave për viza, e nënshkruar në Tiranë më 4 nëntor 2016”
Me anulimin e vizave, shqiptarët do të kenë të drejtën të qëndrojnë në Ukrainë për 90 ditë. E njëjta gjë do të vlejë edhe për ata shtetas ukrainas që do të vizitojnë Shqipërinë.
(XH.A/SHUPLAKA)
Discussion about this post