Nga 200 kilogramë në 2 ton, si u ”rrit” sasia e drogës së kapur në Mat pas peshimit

Ditën e djeshme në një operacion të policisë në Mat u tha se ishin zbuluar 200 kilogramë drogë në një tunel.

Ndërkohë që sot bëhet me dije se droga e sekuestruar ka qenë shumë më shumë sesa aq. Nga peshimi që i është bërë drogës së gjetur rezulton të kenë qenë rreth 2 ton e 55 kilogramë që janë zbuluar brenda në tunel.

Policia ka arrestuar një person dhe një tjetër e ka shpallur në kërkim si personat që e kishin kultivuar drogën.

Gjithashtu, në kontenier është gjetur edhe një armë zjarri kallashnik. Policia vijon me hetimet pasi mund të ketë dhe persona të tjerë të përfshirë.

Nga ana tjetër ditën e djeshme për shkak se kishin lejuar kultivimin e lëndëve narkotike ditën e djeshme ka pasur një furtunë në rradhët e policisë.

Shefi i komisariatit të Laçit Feliks Hysa është përjashtuar nga radhët e policisë së shtetit për shkak të shpërdorimit të detyrës, pasi nuk raportoi kultivimin e disa parcelave me kanabis sativa.

Mësohet se do të ketë shkarkime dhe pezullime të tjera në Polici për shkak shqetësimit të kultivimit të kanabisit në të gjithë vendin.

Kujtojmë se ka patur akuza të shumta për implikim të punonjësve të policisë në kultivimin e drogës, disa prej të cilëve janë arrestuar. (E.K/SHUPLAKA)