Kryeministri Edi Rama pasditen e sotme, në Komunimin Javor, ka bërë premtimet e para për katër vitet e ardhshme.
Zakonisht premtimet dhe programet shpallen gjatë fushatës, por kryeministri ynë që i fitoi zgjedhjet pa bërë asnjë program, ka nisur hartimin e programit disa ditë pas fushatës.
Ndërkohë që Rama ndodhet në pushime, dhe videon e ka transmetuar drejtpërdrejt nga bregdeti, ka premtuar se do t’i kushtojë një rëndësi të madhe turizmit dhe infrastrukturës.
“Po shihja sot herët në mëngjes një raport për turizmin. Vitin e shkuar numri i shteteve të huaja që kanë vizituar Shqipërinë është 4 milion e 750 mijë. Këtë vit pritet një rritje tjetër e konsiderueshme, por në mandatin e ri do kontretizojmë disa hapa për të cilat po mendoj prej kohësh që të shkoj në një fazë të re. Fillimisht duke krijuar kapacitete me 5 yje dhe paralelisht duke krijuar programin kombëtar të rilindjes urbane.
Për sezonin e ardhshëm do ketë përfunduar, rezailizimi projekteve të Himarës Vunoit, Jalës, Dhërmiut të vjetër ndërkohë që do pregatiten projektet për zonën e Golemit, Spillesë, Dumresë, Radhimës, Kurveleshit, e të tjera në cdo plazh të Shqipërisë.”, tha Rama. Vijon.. (D.D/Shuplaka)
Discussion about this post