Dekanja Valentina Duka, e cila tanimë kandidon për deputete nën siglën e Partisë Demokratike ka nisur fushatën elektorale në qytetin e saj të lindjes në Korçë.
Përpara qytetarëve, Duka ka kujtuar se Korça është vendi ku ajo është rritur dhe u ka kërkuar votën të gjithë mësuesve, miqve dhe kolegëve të saj korçarë.
“Këtë shesh ku 50 vjet më parë, jo më shumë se 5 metra larg pallatit ku jam rritur, falenderoj Zotin Basha, këtë mikun tim universitar dhe politik, që më bëri pjesë të ekipit të tij fitues të qershort.
Me përulje kërkoj votën tuaj, të mësuesve të mi të shquar, të kolegëve të mi të Universitetit të Korçës, të punëtorëve të qytetin tim dhe ju premtoj se do të jem një zë dinjitoz në parlamentin shqiptar.
Të dashur korçarë, përpos qendrës urbane, qyteti ku jetojmë është shumë i varfër, kam ecur në çdo rrugë, kudo kam parë varfëri, por kudo kam parë optimizëm sepse me fitoren e PD-së Korça jonë e dashur do jetë një qytet më i civilizuar.
PD ka një program ekonomik për të pasur zili, të cilin do keni fatin ta dëgjoni me hollësi nga goja e liderit.
Në Korçë dhe në rrethinat e saj ka fermerë punëtorë, intelektualë, njerëz punëtor, por juve ju kanë prekur edhe në memorien tuaj historike, na kanë prekur atje ku na dhemb më shumë, por mbështesni PD, qytetit do ti kthehet dionjiteti historik dhe do të jetë një nga zonat më të bukura të turizmit jo vetëm shqiptar por ballkanik, se Korça e meriton.
Prandaj, bashkohuni dhe votoni PD, do të jetoni me dinjitet, do jeni shumë më të pasur se tani, më të lumtur dhe me Bashën në krye do shkojmë në Europë me Korçën dinjitoze.”, tha Duka. (D.D/shuplaka)
Discussion about this post