Arrestohen tre persona në Tiranë. Bëhet me dije se 40-vjeçari F.Sh ka ushtruar dhunë ndaj vëllait të tij. Ndërkohë 40-vjeçari M.S në gjendje të dehur ka dhunuar fizikisht nënën dhe djalin e tij. 55-vjeçari L.Sh është arrestuar pasi ka ngacmuar seksualisht një vajzë të mitur.
Njoftimi i Policisë:
Specialistët për Hetimin e Krimeve të Komisariatit të Policisë Nr. 1 arrestuan shtetasin F. Sh., 40 vjeç, banues në Tiranë, pasi dyshohet se ka ushtruar dhunë ndaj vëllait të tij. Specialistët për Hetimin e Krimeve të Komisariatit të Policisë Nr. 3 arrestuan shtetasit:
– M. S., 40 vjeç, banues në Tiranë, pasi në gjendje të dehur, dyshohet se ka ushtruar dhunë ndaj nënës dhe djalit të tij;
– L. Sh., 55 vjeç, banues në Tiranë, pasi dyshohet se ka ngacmuar seksualisht një shtetase të mitur.
Materialet i kaluan Prokurorisë.
Discussion about this post