Nga greva e urisë, te grushtat në fushatë. Cilat janë shërbimet që drejtori i ri i Ramës i ka bërë Dakos dhe PS-së

Afrim Bakaj u emërua dje në krye të Portit të Durrës, pas shkarkimit të Artjan Qiricit.

Në këtë post Bakaj vjen pasi ka shërbyer disa kohë në krye të AKU-së dhe më pas është shkarkuar nga ky pozicion në 2016 nga kryeministri Rama.

Po Bakaj nuk është i panjohur në rrethin  e socialistëve, pasi ai njihet si krahu i djathtë i Vangjush Dakos.

Përkrahjen e tij ndah Dakos dhe Partisë Socialiste, Bakaj e ka dhënë që në vitet e grevës së urisë në çadër, e deri te fushatat zgjedhore në vitet e fundit. Të paqarta mbeten kriteret e emërimit të tij në këtë post të rëndësishëm.

Kur ka qenë në krye të AKU-së, Bakaj është akuzuar për emërime nepotike, pasi kishte marrë në punë nipin e gruas. I pyetur nga gazetari se mbi cilin kriter ishte bërë ky punësim, ish-drejtori tha se “të gjithë kanë të drejtë të punojnë”.

Po ashtu gjatë fushatës së fundit, në qershor 2017, Afrim Bakaj është përfshirë në një sherr me grushta me Arbër Kokën, djalin e Lefter Kokës, ish-ministrit të Mjedisit.

Kështu, edhe pse porti i Durrësit është një nga institucionet e një rëndësie të veçantë në vend, edhe për shkak se mund të përdoret si një rrugë kalimi për trafiqe të ndryshme, Edi Rama nuk e ka menduar dy herë që të emërojë të besuarin e tij.

(E.K/FAXWEB)