Policia e Korçës ka vënë në pranga gjatë ditës së djeshme 5 persona, të akuzuar për vepra të ndryshme penale. Për ta rëndojnë akuza nga ‘’mashtrim i kryer në bashkëpunim’’, ‘’shpërdorim detyre’’, apo edhe ‘’shitje dhe prodhim i lëndëve narkotike’’. Duket se nuk ka qenë fundjave pushimi për krimin.
Njoftimi i plotë i policisë në Korçë:
Nga strukturat e Drejtorisë Vendore të Policisë Korçë, ka vijuar puna për kapjen e personave të shpallur në kërkim. Specialistët e Seksionit për Krimin Ekonomik- Financiar bënë kapjen dhe ndalimin e tre shtetasve konkretisht :
-Janaq Nikolla (Arjan Pasho), 45 vjeç, banues në fshatin Voskop – Korçë.
Ndalimi i tij u bë pasi, Gjykata e Rrethit Gjyqësor Korçë, me vendim nr (608), datë 27.10.2015, e ka dënuar këtë shtetas me 3 (tre) vjet burg, për veprën penale “Mashtrimi, kryer në bashkëpunim” parashikuar nga neni 143/2 i Kodit Penal.
-Rigels Mulla, 36 vjeç, banues në fshatin Kapshticë – Devoll.
Ndalimi i tij u bë pasi, Gjykata e Rrethit Gjyqësor Korçë, me vendim nr (01), datë 05.01.2016, e ka dënuar këtë shtetas me 1 (një) vit burg, për veprën penale “Shpërdorimi i detyrës” parashikuar nga neni 248 i Kodit Penal.
-Mariglen Dadolli, 37 vjeç, banues në fshatin Hoçisht – Devoll.
Ndalimi i tij u bë pasi, Gjykata e Rrethit Gjyqësor Korçë, me vendim nr (01), datë 05.01.2016, e ka dënuar këtë shtetas me 1 (një) vit burg, për veprën penale “Shpërdorimi i detyrës” parashikuar nga neni 248 i Kodit Penal.
Gjithashtu Specialistët e Seksionit për Narkotikët bënë kapjen dhe ndalimin të dy shtetasve të tjerë :
-Albert Nuzi, 39 vjeç, banues në Bilisht.
Ndalimi i tij u bë pasi, Gjykata e Rrethit Gjyqësor Korçë, me vendim nr 272, datë 23.12.2016, e ka dënuar këtë shtetas me 7 muaj burg për veprën penale “Ushtrimi i ndikimit të paligjshëm ndaj personave që ushtrojnë funksione publike” parashikuar nga neni 245/1 i Kodit Penal.
-Eraldi Zejnuni, 21 vjeç, banues në Korçë.
Ndalimi i tij u bë pasi, Gjykata e Rrethit Gjyqësor Korçë, me vendim nr 352, datë 19.09.2015, ka caktuar për këtë shtetas masën e sigurisë “Arrest në burg”, për veprën penale “Prodhimi dhe shitja e narkotikëve” parashikuar nga neni 283/2 i Kodit Penal.
(E.K/SHUPLAKA)
