Është mësuar renditja që ka bërë KLP për tre anëtarët për kryeprokuror, ku garës i prin prokurori i Krimeve të Rënda, i ndjekur nga kryeprokurorja e përgjithshme e përkohshme, Arta Marku, si dhe e treta Fatjona Memçaj, gjyqtare e Apelit të Prokurorisë së Tiranës.
Burime bëjnë me dije se renditja është si më poshtë:
- Olsian Çela me 459 pikë
- Arta Marku me 406 pikë
- Fatjona Memçaj 362
“Jemi kujdesur te jemi sa më transparent me publikun për menyren se si perzgjidhen dhe emërohen kandidatet.
Sot bëmë pikëzimin sipas rregullores qe parashikon vleresimin sipas 4 kritereve lidhur me aftësitë profesionale, integritetin personal, aftesitë drejtuese dhe kriteret shtese qeë i jep keshillit mundësine të krijojë disa nuanca.
Procesi permbledh të gjitha vlerat e reforormës në drejtesi. Kushtetuta parashikon që KLP ka fjalën e pare në procesin e rendesishëm. Ne i cojmë kuvendit nje list me 3 kandidatë, dhe më pas aty kalohet në votim”, u shpreh kreu i KLP-së Gent Ibrahimi, ndërsa shtoi se tre kandidatët kanë dhe 3 ditë kohë për të bërë çdo kontestim.
Lista me pikëzimin pritet që ti dorëzohet më pas Kuvendit, që do të votojë dhe emrin e kryeprokurorit të ri qe do të ketë një mandate 7-vjeçar. Me gjasa Kuvendi voton për kandidatin e parë në listë, por nuk përjashtohen as surprizat.
Në rast se Kuvendi nuk arrin që të ketë votat për votimin e kryeprokurorit të ri, atëherë automaikisht këtë post e merr kandidati i renditur në vendin e parë nga KLP, pra Olsian Çela.
(E.K/Faxweb.al)
Discussion about this post