Nga Oltion Bistri te Dedan Gjoni, SPAK kalon në “sitë” pasuritë e disa zyrtarëve dhe ish-zyrtarëve të policisë

Prokurororia e Posaçme ve në sitë pasuritë e disa zyrtarëve dhe ish zyrtarëve të policisë. Burime nga struktura antikorrupsion, konfirmojnë se hetim pasuror po kryhet ndaj Oltion Bistrit, ish drejtorin e forcave Operacionale, ish shefin e Kurbinit Dritan Metaj, ish shefin e krimeve të komisiariatit nr.6 Dedan Gjoni.

Hetim pasuror po kryehet edhe ndaj ish shefit të krimeve kundër personit ne Shkodër, Ardit Hasanbega. Gjithashu, edhe ndaj shoferit të Ardi Veliut, Sokol Idrizaj, po bëhen verifikime për pasurine e tij.

Mësohet se Prokuroria e Posaçme po verifikon edhe pasuritë e disa zyrtarëve të tjerë të policisë së shtetit dhe policisë lokale, të cilët shfaqen në komunikimet e SKY. Për ta janë përcjellë letërporosi, për të marrë të dhëna shtesë.