Lidhjet mes politikës dhe sportit janë të shpeshta ndonjëherë. Rasti i fundit na vjen nga Franca ku ish presidenti Sarkozy po mendon të marrë një detyrë të re, drejtimin e Paris Saint Germain. Sipas “GQ Magazine”, Sarkozy kryeson listën e kandidatëve për të marrë drejtimin e kampionëve të Francës.
Padroni i klubit parizien, Al Thani që imponoi edhe largimin e Laurent Blanc, po kërkon të bëjë të njëjtën gjë edhe me Al Khelaifin për t’i dhënë një shtysë Paris Saint Germain dhe sipas tij, Sarkozy është personi ideal për këtë.
Mësohet se javën e kaluar në Katar u zhvilluan bisedimet e para në lidhje me këtë çështje që përkuan edhe me disfatën e Paris Saint Germain ndaj Montpellier. Vendimi përfundimtar pritet të merret gjatë pushimeve dimërore, ndërkohë që zëvendësimi i Al Khelaifit me Sarkozy pritet të zyrtarizohet vetëm në fillim të sezonit 2017-2018.
Discussion about this post