Kryeministri Edi Rama në një takim nga porti i Durrësit ka shpallur nismën e re për Rilindjen e Fshatit. Sipas tij është shumë e rëndësishme përmirësimi i mjeteve dhe teknikave në bordet e kullimit të ujit.
Ai e ka konsideruar dhe punën e bërë deri tani nga Ministria e Bujqësisë në të gjitha nivelet e administrimit të ujrave dhe menaxhimin e bordeve të kullimit.
‘’Flotë e re mjetesh me 61 eskavatorë për të çuar ujin në çdo parcelë dhe garantuar pastrimin e mirëmbajtjen e vazhdueshme të kanaleve ujitës e kullues në territoret e bashkive të reja të vendit’’, ka thënë Rama.
“Flota do të mjaftojë për këtë fazë, ndërkohë që synimi ynë është që bashkitë e reja me këto mjete të krijojnë bërthamën e ndërmarrjeve të pastrimit dhe mirëmbajtjes sistematike të kanaleve të ujitjes dhe kullimit, që të mos kemi më jo mijëra kilometra, po asnjë metër kanal të bllokuar nga dherat, plehrat, inertet, gjithë senidmentet”, tha Rama.
Vetëm në 2016 dha kreu i qeverisë falë punës së organizuar janë hequr nga kanalet që duhet të çonin ujin në tokat bujqësorë plot 3.5 milionë metër kub dhera.
“Në një vit të kemi një kapacitet pastrures të menjëhershëm nga Tropoja në Konispol të heqjes së 7-10 milionë metra kub. Operacioni nuk ka mbaruar kemi ende shumë punë për të bërë në këtë fazë. Jam i kënaqur që do shpëtojmë nga telefonatat, mesazhat, emailet, alarmet e kryetarëve të bashkisë që kërkonin eskavatorët tani, pasi është periudha ku përgatisim sezonin e ardhshëm”, vijoi më tej Rama. (E.K/SHUPLAKA)
