Aktori dhe regjisori Genti Bejko nuk do të mbahet më mend vetëm për rolet e tij komike në portokalli dhe më pas në 2Xl.
Së fundi aktori i njohur shqiptar ka arritur të depërtojë në Hollywood dhe të bëhet pjesë e kinematografisë më të suksesshme në botë.
Lajmin e ka zbuluar vetë Genti, i cili ka postuar listën e aktorëve të filmit, ku përfshihet dhe emri i tij. “Upss I did it again. It’s coming! Emri në listë. Dalëngadalë po vjen behari”, shkruan aktori.
Emri i tij tashmë është në listën e castit të aktorëve të filmit “Mother”, një projekt që ka si protagoniste të mirënjohurën Jennifer Laërence, aktorin Javier Bardem dhe Michelle Pfeiffer.
Filmi është një triller-horror psikologjik me skenar dhe regji nga Darren Aronofsky. Ai përqendrohet në një çift, që iu vihet marrëdhënia në provë kur miq të paftuar u vijnë në shtëpi, duke iu prishur ekzistencën e qetë.
Genti numëron dhjetëra shfaqje në teatër, si aktor e më pas si regjisor, pjesëmarrje në filma, sitcom-e. (S.SH/Shuplaka)
Discussion about this post