Me sa duket llogaria në facebook e Artan Shkrelit, zv.ministër i Energjisë dhe Infrastrukturës në qeverinë Rama 2 ka rënë pre e hakerave.
Një status i publikuar gjatë ditës së sotme në profilin e tij ka tërhequr vëmendjen e ndjekësve të tij por edhe të mediave online, në të cilin ngrihej alarmi për zonat e gjelbërta që po i ikin kryeqytetit si pasojë e ndërtimeve shumë-katëshe në disa prej zonave më të frekuentura dhe sensitive pëer qytetarët.
Në statusin në fjalë, u bëhej thirrje njerëzve që të ‘zgjoheshin’ dhe të mos pranonin betonizimin e mëtejshëm të Tiranës.
Ndërkohë që pak minuta më parë me sa duket Shkreli e ka rimarrë përsëri kontrollin mbi llogarinë e tij virtuale ku kërkon ndjesë për postimet që mund të vijnë nga adresa e tij duke argumentuar se është hackeruar. Ndërkohë që bën me dije se kjo është hera e dytë që i ndodh një gjë e tillë.
(F.GJ/FAXWEB.AL)
