Marrëdhëniet në koalicionin qeverisës mes PS dhe LSI-së janë në ditën e tyre më të keqe. Në një kohë që nga LSI-ja vijnë akuza të forta në drejtim të policisë apo eksponentëve lokalë të PS-së bindja për hyrjen e tyre së bashku në zgjedhje duket të jetë shuar. Edhe pse në Shqipëri nuk është suprizë edhe vendimi i momentit të fundit në bazë trë interesave elektorale të momentit.
Vetë Meta në një reagim të sotëm tha se gjithçka mes palëve duhet të zgjidhet në mënyrë ligjore dhe jo e bazuar te retorika. Sipas tij e rëndësishme është vendosja e një shteti ligjor.
Po nga Korça në distancë nga ana e qeverisë ka qenë zëvendëskryeministri Peleshi ai që ka folur ndër të tjera edhe për këto shqetësime. Sipas Peleshit qeveria duhet të punbojë dhe të përqëndrohet te zbatimi i Reformës në Drejtësi.
‘’Kemi një ftesë të hapur për aleatin tonë qeverisës që të hyjmë së bashku në zgjedhje. Kemi para Reformën në Drejtësi dhe skemi kohë për lojëra politike. Presim nga LSI që t’i kapim vrull reformave’’, është shprehur ndër të tjera peleshi.
Ai nuk ka nguruar as të deklarojë se ka mbetur i habitur nga disa prej deklaratave. (E.K/SHUPLAKA)
