Inter pret në “San Siro” Barcelonën për ndeshjen e kthimit të Champions League.
Ndërsa nesër do të zhvillohet takimi në fjalë, “SP” ka prezantuar të gjithë lojtarët që kanë veshur fanellën e Inter dhe të Barcelonës gjatë karrierës së tyre.
1. Miklos ‘Szegedi’. Mesfushori rumun është aktivizuar me Interin në sezonet 1947-1949 dhe me Barcelonën në sezonet 1950-1952.
2. Luis Suarez. Mesfushori me tipare sulmuese luajti me Barcelonën në vitet 1955-1961 dhe më pas kaloi te Inter. Spanjolli luajti në Milano për 9 vite, 1961-1970.
3. Luis Figo. Portugezi luajti në sezonet 1995-2000 për Barcelonën, ndërsa mbylli karrierën te Inter në vitet 2005-2009.
4. Ronaldo Nazario. Sulmuesi brazilian luajti për një vit me Barcelonën, në sezoni 1996-1997, më pas kaloi te Inter 1997-2002, aty ku fitoi edhe “Topin e Artë”.
5. Thiago Motta. Mesfushori italian luajti me Barcelonën në sezonet 1999-2001 dhe më vonë me Inter në sezonet 2009-2012 ku fitoi tripletën e famshme.
6. Francesco Coco. Mbrojtësi luajti për një vit te Barcelona në formë huazimi nga Milan në vitin 2001, më pas kaloi te Inter ku luajti për 5 sezone, 2002-2007.
7. Ricardo Quaresma. Portugezi luajti me Barcelonën në sezonin 2003-2004 për të zhvilluar më vonë edhe dy sezone me Inter, 2008-2010.
8. Edgar Davids. Holandezi luajti te Barça në vitin 2004, më pas kaloi te Inter për një sezon 2004-2005.
9. Samuel Eto’o. Sulmuesi nga Kameruni luajti për 5 vite te Barcelona, 2004-2009. Më pas kaloi te Inter 2009-2011 ku fitoi gjithçka të mundshme.
10. Zlatan Ibrahimovic. Suedezi e mori hovin në Itali. Me Inter luajti në sezonet 2006-2009, për të kaluar te Barcelona ku luajti për një sezon 2009-2010.
11. Maxwell. Mbrojtësi ishte pjesë e Inter në sezonet 2006-2009, për të luajtur tre sezone të tjera te Barça, 2009-2012.
12. Martin Montoya luajti me Barcelonën nga viti 1999-2015, i dalë nga akademia e katalanasve. U transferua për një sezon te Inter, 2015-2016.
13. Rafinha Alcantara. Mesfushori luati me Barcelonën nga sezonet 2006-2018. Ndërsa te Inter pati një huazim 6 mujor në sezonet 2017-2018.
14. Mauro Icardi. Sulmuesi e nisi karrierën me të rinjtë e Barcelonën në vitet 2008-2011, për të kaluar te Inter në vitin 2013 e deri më sot.
15. Keita Balde. Sulmuesi anësor ishte për 7 sezonet te Barcelona, 2004-2011 dhe tani është te Inter në formë huazimi nga Monaco.
16. Philipe Coutinho. Braziliani luajti te Interi i pas tripletës që e gjeti ekipin në krizë, në sezonet 2010-2013, më pas u shit te Liverpool ku shpërtheu si futbollist për të kaluar te Barcelona në vitin 2018.
