Policia e Shtetit në nivelet e saj drejtuese është njohur ditët e fundit me ndryshime të shumta, shkarkime apo transferime. Që prej ardhjes së Fatmir Xhafajt në ministrinë e Brendshme gjërat nuk janë njësoj si nën drejtimin e Tahirit.
Pas ndryshimit të disa prej drejtuesve ne qarqe dhe Tiranë tani ka qenë rradha e personave që janë në një post më poshtë, konkretisht zëvendësdrejtorëve.
Të paktën 12 emra zëvendësdrejtorësh dhe shefash komisariatesh kanë lëvizur në detyra të tjera, në qarqe ose edhe në Policinë e Tiranës.
Kështu shkarkohet zv drejtori Skënder Hita, emërohet në po të njëjtën detyrë në Lezhë.
Në vend të tij në Tiranë emërohet Arsen Sinomati, i cili mbante detyrën e shefit të komisariatit 2.
Shkarkohet shefi i Komisariatit 1 Elton Alushi. Emërohet shef sektori në krimet e lehta në Policinë e Tiranës.
Shkarkohet shefi i komisariatit nr. 4 Alket Shatro. Emërohet specialist në sektorin e Krimeve të Rënda në Drejtorinë e Përgjithshme. Në komisariatin nr. 4 emërohet Agim Hoxha ish-shefi i komisariatit Shijak. Në Shijak emërohet Aliosha Broka.
Shkarkohet shefi i sektorit “Shqiponja” Vladimir Laska. Në vend të tij emërohet Olti Bistri. Shkarkohet shefi i komisariatit 6 Neritan Boci. Në vend të tij emërohet Arben Aliko.
Shkarkohet shefi i komisariatit rrugor Ervin Hasrama. Në vend të tij emërohet Erjon Ahmeti. Shkarkime ka pasur edhe në komisariate e Drejtori në qarqe. (E.K/SHUPLAKA)
