Nga sot, “Qendra e Thirrjeve” në gatishmëri të tatimpaguesve, ku duhet të kontaktojnë

Prej 1 Shkurtit, të gjithë tatimpaguesit do mundet të marrin informacion nga Administrata Tatimore në numrin e kontaktit 0800 00 02.

Ky shërbim ofrohet për herë të parë nga administrate për t’u ardhur në ndihmë individëve apo bizneseve që mundet të kenë pyetje rreth çështjeve të tilla si:

1. Deklarimit elektronik
2. Legjislacionit tatimor
3. Çështje të tjera për administratën tatimore (shërbime të Administratës Tatimore)

“Atyre do u ofrohet shërbimi drejtpërsëdrejti nga specialistët ose telefonata e tyre do u transferohet ekspertëve respektivë të Administratës Tatimore, shkruan “Monitor”. Qendra e Thirrjeve do të jetë në dispozicionin nga e Hëna në të Enjte prej orës 09:00 deri në orën 20:00 si dhe ditën e Premte ora 09:00 deri në orën 16:00.

Lidhur me reagimin e biznesit për këtë shërbim, tatimet ndërmorrën anketime ku mbi 60% e biznesve e cilësuan si të nevojshme shërbimin me “Call Center”. (XH.A/SHUPLAKA)