Policia ka arrestuar 4 persona pasi ditën e djeshme protestuan në Verri të Fierit kundër ndërtimit të incineratorit.
Policia thotë se banorët kanë marrë pjesë në një protestë të paligjshme dhe kanë kundërshtuar punonjësit e policisë.
Ndërkohë ditën e djeshme banorët kanë treguar për ‘Fax News’ se si policia i kishte dhunuar gjatë protestës. Njëri nga të arrestuarit e sotëm është dhe Zyliftar Delibashi i cili mori ndihmë në urgjencë dhe më pas u shoqërua në polici.
NJOFTIMI I POLICISË:
Fier
Nga Oficeri i Policisë Gjyqësore pranë Prokurorisë së Rethit Gjyqësor Fier u bë arrestimi në flagrancë i shtetasve:
1.Aleksandër Bita, 52 vjeç.
2.Eridjon Janji, 32 vjeç.
3.Bledjon Bita, 43 vjeç.
4.Zylyftar Delibashi, 67 vjeç.
Arrestim i këtyre shtetasve u bë pasi në datën 22.01.2017, në orën 14:00, në kufirin ndarës midis fshatrave Verri dhe Kallm i Madh, kanë marrë pjesë në një protestë të paligjshme, kanë kundërshtuar punonjësit e policisë së rendit publik dhe kanë penguar qarkullimin e mjeteve të transportit. Materialet i kaluan Prokurorisë pranë Gjykatës së Shkallës së Parë Fier për veprat penale “Kundërshtimi i punonjësit të policisë së rendit publik”, “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit” të kryera në bashkëpunim, parashikuar nga Nenet 236, 262, 293 e 25 të Kodit Penal.
(B.H/Faxweb)
https://www.youtube.com/watch?v=hv0vR2IxUR4
Discussion about this post