Teksa dje ishte afati i fundit për të dorëzuar listat e kandidatëve për zgjedhjet lokale të 30 Qershorit, Bindja Demokratike e Astrit Patozit ka dorëzuar 25 emrat e saj për Bashkitë e vendit. Nga 61 Bashkitë në të gjithë vendin, Bindja ka zgjedhur që të garojë në 25 prej tyre, ku duhet thënë se afati për të mobilizuar elektoratin është shumë i vogël.
Në Tiranë përballë kryetarit aktual Erion Veliaj, BD ka zgjedhur të kandidojë Arben Skënderin, themelues i saj por gjithashtu edhe ish-anëtar i kryesisë së PD.
Valdona Mezini dhe Leonard Olli janë dy emra të tjerë nga themeluesit që kandidojnë respektivisht për bashkitë e Vlorës dhe Korcës.
Në një postim në Facebook kryetari Patozi shkruan: “25 kandidatë për kryetarë bashkie dhe 50 lista për këshilltarë në të gjithë Shqipërinë. Mirënjohje dhe respekt të gjithë atyre që e mbështetën dhe e inkurajuan atë që në hapat e saj të parë!Na prisni më 30 qershor!”
Lista e plotë e Bindjes Demokratike:
Tiranë Arben Skënderi
Kamzë Ylber Gjeta
Vlorë Valbona Mezini
Korçë Leonard Olli
Durrës Valdona Sakollari
Dibër Shkëlzen Qoka
Berat Pavllo Shkarpa
Kolonjë Fatjon Feka
Lezhë Salvador Kaçaj
Kavajë Bledar Sinella
Kukës Abedin Uruçi
Skrapar Devi Hebibasi
Bulqizë Ilir Balla
Tepelenë Gëzim Malko
Këlcyrë Shkëlqim Muho
Shijak Arben Pohumi
Gramsh Sabri Ibrahimi
Cërrik Merita Xhika
Tropojë Edison Hasanaj
Kurbin Edmond Piroli
Malesi e Madhe Pjerin Spathari
(E.K/FAXWEB.AL)
