Olsi Delli, 41 vjecari nga Tirana është kapur në doganën e Kapshticës me një sasi prej 2 kilogramë e 248 gramë lëndë narkotike e llojit Heroinë, sipas dyshimeve paraprake të policisë.
41 vjecari, me makinën e tij Land Rover ngjyrë gri me targa AA889PV, u ndalua nga policia kufitare e Kapshticës për një kontroll të dytë të imtësishëm. Nga kontrolli i ushtruar në pjesën e shasisë së mjetit, në një vend të modifikuar u konstatua dhe sekuestrua në cilësinë e provës materiale:
2 KG e 248 gr, lëndë e dyshuar narkotike e llojit Heroinë.
Shtetasi i mësipërm po udhëtonte me këtë mjet nga Turqia, në drejtim të Shqipërisë.
Veprimet proceduriale të rastit, u kryhen nga Specialistët e Seksionit për Narkotikët në Drejtorinë Vendore të Policisë Korçë. Materialet do t’i kalojnë Prokurorisë të Krimeve të Rënda në Tiranë, për hetime të mëtejshme. (M.D/ Shuplaka)
