Aktivisti Ilir Hoxholli ka shpërndarë një foto në rrjetet sociale të një personi i cili nga një i varur pas drogërave është kthyer në një milioner pas braktisjes së substancave narkotike. Hoxholli shkruan se Halil Rafatij tashmë ka një kompani të njohur dhe madje ka shkruar edhe libër.
“Ai që e ndryshon veten tënde, je ti, askush tjetër”,-përfundon Hoxholli.
Shkrimi i Hoxhollit:
Share/Shpërndaje, dikush ka nevojë për shpresë…
Në të majtë të fotografisë është Halil Rafatij viti 2003. 33 vjeç. I varësuar pas heroinës dhe kokainës. Peshon vetëm 49 kilogramë. Është arrestuar pafund herë. Kjo fotografi është para tentimit të vetëvrasjes së tij të nëntë nga një mbidozë të heroinës.
Ndërsa në fotografinë e djathtë është po ai Halil Rafatij. Viti 2016. 46 vjeç. Tashmë një tjetër njeri. Një milioner, sportist, autor i librit “Harrova të vdes”, pronari i markës “Sun Life Organic”, që angazhohet me prodhimin e pijeve dhe ushqimeve të shëndetshme, biznes i cili shkon përtej 6 milionë dollarë në vit.
Ai që e ndryshon veten tënde, je ti, askush tjetër! (M.D/Shuplaka)
