Kreu i demokratëve Lulzim Basha pas një vizite dyditore në SHBA ka rifilluar turin e takimeve elektorale. Ai ka zgjedhur ditën e sotme Vlorën, qytetin bregdetar në të cilin kandidon dhe vetë kryeministri Rama.
I shoqëruar me kandidatët për deputetë në këtë qark që kryesohet nga Agron Shehaj, Basha është ndalur në takime me shumë nga banorët dhe biznesmenët e vegjël.
Gjatë fjalës së tij para qytetarëve, Basha nuk kurseu sulmet për kryeministrin Edi Rama. Madje Basha nuk e ka kuryser ironinë për timonin e Ramës.
Me ironi Basha tha se ata duan timon kur s’kanë motor.
“E premtja duhej ta gjente këtë qytet plot me turistë por gjate ecjes pamë pensionistë që nuk mund të paguanin një kafe studente që endeshin pa një vend pune. Deputeti i pare Vlorës vjen dhe bën premtime te reja te barasvlershme me te para 4 viteve. 250m2 shesh ka kushtuar këtu 1 milionë euro.
Paratë e energjisë dhe faturave te rritura nuk i ka harxhuar për prioritetet e vlonjateve. Ka harxhuar 350mln euro për zyrat e shtetit. Mund te ishin dyfishuar pensionet per dy vjet me ato leke, mund te ishin subvencionuar fermerët mund te kishim çmimin e naftës te ulet. Ne kemi nje plan ekonomik te hartuar nga expertet me te mire europian, te ngjashem me ate qe po aplikon sot presdienti trump ne shba me ulje taksash me investime ne infrastrukture.
Palmat dhe lungomare jane treguesi i vërtetë. 4 vjet e beri lëmsh Vlorën dhe të pajetueshme per njerezit e aq me pak per turistet. Timon pa motor, lodër si ai i fëmijëve me te cilin luan ne kurrizin tuaj, te familjarëve tuaj, të fëmijëve tuaj. Konsumi nuk mund te rritet kur paratë behën palma, kur paratë qe i jep një familjeje me ndihme ekonomike ia merr me dorën tjetër.
Kam dhënë garanci se pas datës 26 Shqipëria do ndihmoje ne kualifikim e forcës punëtore dhe rinise. Bankat s’mund te kreditojnë kur 56% duan te largohen. Me uljen e taksave dhe TVSH injektohen miliona euro ne xhepat e shqiptareve për t’u shpenzuar. Turizmi kërkon vëmendje te veçante. Mikpritja nuk mungon. Si mund te vijnë turistet ne nje vend kur ska infrastrukture kur s’ka ujë kur rrugët janë te mbushura me te papune. Ska patur asnjehere plan per vloren por ka patur plan per veten e tij. Lungomarja eshte plani i tij. Ne do bejme by-passin, aeroportin e jugut.”, tha Basha. (E.K/SHUPLAKA)
