Ngacmimet seksuale, flet drejtori i 9-vjeçares: I këshilloja, janë në moshë delikate

Ajaz Ajazi, drejtori i shkollës 9-vjeçare në Kuçovë u arrestua vetëm pak ditë më parë pasi u akuzua për abuzim seksual ndaj nxënësve të tij. 

“Mësuesi i gjeografisë na fliste edhe për tema seksi në orën e mësimit”. Kjo ka qenë deklarata e nxënëseve të klasës së nëntë në shkollën e fshatit Kozarë në Kuçovë, që më pas ka çuar në pranga mësuesin e tyre Ajaz Ajazi.

63-vjeçari i cili, veçse mësues gjeografie, ishte edhe drejtor i shkollës, e ka mohuar akuzën e ngritur ndaj tij, duke e konsideruar këtë si një ngjarje të sajuar për t’i zënë vendin e punës.

“Na ka shqetësuar shumë me temën e seksit dhe veprimet e çrregullta që bënte. Ishte bërë i mërzitshëm në orët e mësimit, aq sa nuk na vihej në shkollë dhe na ishte neveritur”, janë shprehur nxënëset e marra në pyetje dje në Policinë e Beratit.

Ndërkaq, drejtori tashmë i shkarkuar nga detyra, Ajaz Ajazi, nuk e ka pranuar akuzën e nxënëseve të tij për ngacmim seksual.

“Unë nuk kamë bërë në asnjë mënyrë aty veprime, por i kam këshilluar ndonjëherë nxënëset e mia, pasi se janë në një moshë delikate. Këto veprime që po merren ndaj meje janë ambicioze, për shkak të vendit të punës sime, por e vërteta do të zbardhet nga drejtësia”. Kështu më- sohet të ketë deklaruar gjatë marrjes në pyetje 63-vjeçari i arrestuar për dy vepra të rënda penale, “ngacmim seksual” dhe “vepra të turpshme”, është shprehur drejtori, shkruan një portal online. (J.V/Shuplaka)