Policia e Durrësit me një reagim të shkurtër dhe aspak shpjegues, ka reaguar lidhur me ngjarjen e rëndë të ndodhur në zonën e Arapajt, ku dyshohet se një 8-vjeçare u dhunua seksualisht nga disa të rinj.
Sipas njoftimit të policisë 16-vjeçari akuzohet për veprime të turpshme kryer me të mitur dhe heqje e paligjshme e lirisë, po në mënyrë aspak profesionale, Policia nuk iu është referuar veprave konkrete, por vetën neneve në Kodin Penal.
Po ashtu neni 110/2 nuk ekziston në Kodin Penal të RSH, ndërsa neni 110 është ai që i referohet heqjes së paligjshme të lirisë.
Reagimi i policisë në Durrës:
Në datë 05.07.2019, Specialistët për Hetimin dhe Parandalimin e Krimeve në Komisariatin e Policisë Durrës në zbatim të urdhërit të Prokurorit, ndaluan 16-vjecarin A.R., pasi ky shtetas dyshohet të ketë kryer veprat penale të parashikuara nga nenet 108/a/2 dhe 110/2 të Kodit Penal. Gjithashtu filloi procedimi penal në gjendje të lirë për shtetasin N.K., 13 vjeç. Për arsye hetimi nuk mund të bëjmë me dije të dhëna të tjera.
Për ngjarjen ka pasur informacione koktradiktore, pasi raportimet nga dëshmitarë dhe banorë të zonës kanë thënë se vajza është dhunuar dhe është gjetur e lidhur në katin e katërt të shkollës.
Burime bëjnë me dije se janë sekuestuar kamerat rreth shkollës, dhe po punohet për zbardhjen e plotë të ngjarjes.
(E.K/Faxweb.al)
