Shtetasi Nikë Çungu 55 vjeç është vënë në prangat e Policisë së Lezhës.
Ai akuzohet për kryerje të veprimeve të turpshme me dy të mitura. Konkretisht, raportohet se ai ka ngacmuar seksualisht një 14-vjeçare dhe një 16-vjeçare.
Nga hetimet e deritanishme bëhet e ditur se dy vajzat e ngacmuara seksualisht nga 55-vjeçari janë motra. Ka qenë nëna e tyre që ka kryer denoncimin në polici, pasi vajzat i kanë rrëfyer ngjarjen.
Bëhet e ditur se Nikë Çungu ka lidhje farefisnie me dy të dëmtuarat.
“Specialistët e Seksionit për hetimin e krimeve në Komisariatin e Policisë Lezhë, arrestuan në flagrancë shtetasin Nikë Çungu. 55-vjeçari ka kryer veprime të turpshme duke i prekur në vende intime si dhe ka ngacmuar seksualisht 2 vajza 16 dhe 14 vjeçe.
Pas veprimeve vajzat iu kanë treguar familjeve të tyre dhe së bashku kanë bërë denoncim në polici, çka ka çuar në arrestimin e 55-vjeçarit. Materialet procedurale u referuan Prokurorisë së Rrethit Gjyqësor Lezhë.”, citohet në njoftimin e Policisë së Lezhës. (XH.A/SHUPLAKA)
