Ngeli jashtë listës së PD-së, Spahiu takon Bashën pak orë para skadimit të afatit

Kryetari i Aleancës Kuq e Zi Kreshnik Spahiu, po zhvillon një takim në selinë e PD-së me kryetarin e opozitës Lulzim Basha.

Mësohet se ky takim po zhvillohet në kuadër të negociatave lidhur me futjen sëbashku në zgjedhjet e 25 qershorit ose jo.

Kujtojmë se Kreshnik Spahiu, Fatmir Mediu dhe Agron Duka, ishin disa prej aleatëve të PD-së, me të cilët në takimet e zhvilluara një ditë më parë, ngelën jashtë listave të PD-së.

Në media qarkullojnë plot emra, por zyrtarisht nga Partia Demokratike nuk ka asnjë emër të sigurt për lista. Ndërkohë që dita e sotme është dhe afati i fundit i dorëzimit të tyre në KQZ. (D.D/Shuplaka)