Pas protestave të studentëve, pika 4 e Vendimit të Këshillit të Ministrave, e cila parashikonte pagesë shtesë për provimet e mbartura është shfuqizuar zyrtarisht.
Por krahas kësaj, studentët kanë treguar se janë qytetarë të denjë të këtij vendi. Pas protestës, ata kanë pastruar vendin nga letrat, fletoret e stilolapsat e hedhur në drejtim të Ministrisë, duke treguar një xhest të lartë edukues. Me këtë xhest ata i treguan kryeministrit që i futi të gjithë në një thes duke i quajtur ngelës, se ata jo vetëm që s’janë të tillë por protestojnë për të drejtat e tyre, por edhe se janë shembullorë.
Ata janë shprehur se me këtë duan tu tregojnë atyre që i kanë quajtur katranjosë, se ata janë shembullorë.
Kujtojmë se pas protestës, studentët kanë paralajmëruar se nesër do të ketë sërish, por këtë herë jo vetëm para Ministrisë por edhe duke marshuar para Kryeministrisë.
(B.B/ Faxweb.al)
