Kreu i Grupit Parlamenmtar Socialist Taulant Balla ka deklaruar nga Kryesia e Kuvendit se Komisioni Hetimor nëpërmjet kryetarit të Kuvendit Gramoz Ruçi do ti drejtohet Komisionit të Venecias për një opinion në lidhje me ngërçin e krijuar në Gjykatën Kushtetuese pas përpasjes Meta-Dvorani për emërimin e anëtarëve të rinj të kësaj gjykate.
Kreu i grupit socialist parlamentar, Balla u shpreh se sapo Komisioni Hetimor Paralamentar të zgjerojë objektin e tij të hetimit edhe për shkeljet në emërimin e Marsida Xhaferllarit si anëtare e re e Gjykatës Kushtetuese, një emërim që çoi në përplasjen mes presidentit Meta dhe kryetarit të KED, Ardian Dvorani do të kërkojë mendimin e Komisionit të Venecias për këtë çështje.
“Kryetari i Kuvendit të Shqipërisë do ti drejtohet Komisionit të Venecias për ngërçin e krijuar në ngritjen e Gjykatës Kushtetuese sapo Komisioni Hetimor të zyrtarizojë dhe zgjerimin e objektit të hetimit ndaj Presidentit. Kujtoj se raporti i komisionit te Venecias në lidhje me dekretin e Presidentit të datës 10 qershor dha mendimin profesional mbi çështjen.
Edhe në këtë rast komisioni hetimor do ti drejtohet Kuvendit menjëherë pas zyrtarizimit të objektit të hetimit për të marrë opinionin e Komisionit të Venecias. Gjithashtu do t’i drejtohemi partnerit tonë strategjik SHBA, partnerëve evropian. Siç e patë dhe reagimin e Maja Kocijancic e cila ishte në një valë mendimi me reagimin e Kuvendit të Shqipërisë dhe respektimin e Kushtetuetës dhe afateve kushtetuese për emërimin e anëtarëve të Gjykatës Kushtetuese“, tha Balla.
Discussion about this post