Historiania Elena Kocaqi, e ftuar në emisionin “Identitet” të gazetares Aida Shtino, në televizionin FaxNews, komentoi masakrën e Hormovës të realizuar nga shovinistët grek në fshatin në jug të vendit.
Masakra ka ndodhur në Prill të vitit 1914 dhe janë vrarë 217 burra, brenda në ambientet e një kishe, nga batalionet famëkeqe greke.
Sipas historianes Kocaqi, kjo masakër është një vijimësi e planit dy vjeçar grek në vitet 1914 për të pushtuar Epirin. Ajo thekson se masakrat në jug të vendit në këtë periudhë janë të panumërta saqë nëse shteti shqiptar do të kishte kërkuar llogaridhënie për to, do të kishte përfituar million euro dëmshpërblime.
“Kjo është një politikë 2-vjeçare e masakrave në Epir. Vrasjet në Hormovë lidhen me marrjen e Epirit. Masakra ndodhi në Prill, ndërkohë që Epiri kishte dy vjet që ishte i pushtuar.
Te tekstet tona nuk ka 95% të historisë së shkruar. Greqia ka bërë spastrim fetar edhe në Greqi. Gjithë elementin mysliman shqiptar ose e dëboi ose e vrau. Vrasje e hormovitëve brenda në kishë është një akt i njerëzve psikopat pa asnjë pikë njerëzie. Greqia ka pasur një program të qartë, vrasja e elementëve myslimanë dhe eleminimi i ortodoksve që nuk do të pranoni të shpalleshin grek.
Qëllimi i Greqisë ishte marrja e Epirit dhe nuk ka ndryshuar akoma. Një nga arsyet e sabotimit të qeverisë së Princ Vidit janë dhe bataljonet greke që destabilizuan jugun.
Masakra që është bërë ndaj popullit shqiptar në jug të vendit nga Greqia është e paimagjinueshme. nëse Shqipëria do të ishte treguar e zgjuar do t’i kishte marrë Greqisë miliona euro për këto masakra”, u shpreh Kocaqi.
Discussion about this post