Një ngjarje e pazakontë ka ndodhur mbrëmjen e djeshme në një nga club-et e kryeqytetit. Shumë të rinj shkuan për të kaluar disa orë nën rritet e muzikës dhe për të dëgjuar këngëtarët e preferuar. Por jo çdo gjë shkoi kështu.
Të gjithë pasi pritën që të dilnin tre këngëtarët, për të cilët kishin paguar për t’i parë dhe si përfundim ata nuk performuan live. Të gjithë u çuditën. Tri këngëtar anuluan në moment e fundit koncertin e tyre për shkak se nuk ishin pajisur çertifikatën e regjistrimit të aktivitetit në shtet, ose siç njihet ndryshe NIPT-i në lokalin e natës “Arena Club”.
Bëhet fjalë për Aleksandër Gjokën dhe vëllezërit Endri dhe Stefi Prifti. Ata nuk dolën dot në skenë për të kënduar për fansat e tyre të cilët kishin paguar për t’i dëgjuar, në një prej club-eve të famshëm të Tiranës. Në orët e para të mëngjesit të së shtunës, ka qenë Gjoka i cili ka marrë mikrofonin për të folur para publikur që i priste t’i dëgjonte. Ai i ka kërkuar ndjesë të pranishmëve duke i njoftuar se Ministri i Financave të Shqipërisë Arben Ahmetaj, i ka bllokuar, shkruan Revista Who. Më vonë edhe Stefi Prifti ka reaguar në Facebook duke sqaruar situatën, përmes një statusi që shprehte revoltë ndaj qeverisë.
“Nje koncert revolte! Interesat e shtetit perplasen me te drejtat tona! A thua se ky shtet i zgjidhi te gjitha hallet dhe tani po meret me artistet! Eshte nje shprehje ne boten e lire, qe thote: Me rrespekto te te respektoj. Kur kerkon dicka nga une, me jep dhe te drejtat qe me takojne, ndryshe shkojme ne diktature! “shkruan Stefi në Facebook. (J.V/Shuplaka)
