Ngjarja me tre të plagosur në Vlorë, dalin detaje të reja. Kush është i plagosuri në gjendje të rëndë (EMRAT)

Tre persona kanë mbetur të plagosur me armë zjarri në orët e pasdites në qytetin e Vlorës.

Fax News raporton se në spitalin rajonal të Vlorës, janë dërguar tre persona, njëri prej të cilëve në gjendje të rëndë shëndetësore.

Të lënduar janë: Gazmir  Canaj( ‘81) me plagë ne kraharor në gjendje të rendë.

Taulant Beqiri 28 vjeç me plagë në këmbë ndërsa i plagosuri tretë është Elis Llanaj me plagë në abdominale( bark).

Ngjarja ka ndodhur rreth orës 19  të mbrëmjes së sotme ku tre persona janë plagosur duke udhetuar me automjet në lagjen 28 Nëntori në afërsi të Kishës Ortodokse të Vlorës.

Policia e Vlorës nuk jep detaje për ngjarjen , pasi vetë ngjarja është ende e pa qartë. Sipas burimve nga vendngjarja janë gjetur 4 gëzhoja pistolete dhe 5 automatiku. Në ngjarje janë përfshirë tre automjete një prej të cilëve dyshohet se nuk ka lidhje me shkëmbimin e zjarrit.

Autoritet lokale dyshojnë sakaq se një prej automjeteve nga është qëlluar është larguar menjëhere nga vendngjarja.

Në spitalin e Vlorës ka prezencë të lartë të forcave policore ( FNSH dhe Delta Force) për të shmangur ndonjë konflikt mes familjarëve të paleve të përfshira. Dinamika e ngjarjes pritet të zbardhet nga kamerat e sigurisë të bareve prane vendit të ngjarjes.

Policia po heton edhe përfshirjen e personave të tjerë në konflikt.

(M.Q/Faxweb)