“Shqiptarët s’të vrasin atje, se ta gjejnë anën këtu”, detaje të reja për vrasjen e Ilir Zelkës: U ekzekutua për kokainë, ja për cilin grup kriminal ishte në Brazil

Detaje të reja janë zbuluar në lidhje me vrasjen e shqiptarit Ilir Zelka, i cili u ekzekutua në një bar restorant teksa po konsumonte mëngjesin. Gazetari Artan Hoxha ka zbuluar se 47-vjecari po punonte për llogari të një grupi kriminal nga Fieri që ka 20 vite që merret me trafikim të lëndëve narkotike dhe nuk është goditur asnjëherë më parë.

“Ky ka qenë në Brazil disa herë për llogari të një grupi kriminal nga qyteti i Fierit dhe ka punuar në kuadër të këtij grupi. Kryesore ka qenë trafiku i kokainës. Brazili është një linjë si Venezuela dhe Ekuadori, ku gjendet kontraktet e duhura. Në rastin konkret del se ka punuar për llogari të një grupi nga Fieri në Brazil, që unë kam 20 vite që e kam skeduar. Interesat që përfaqësonte viktima janë për llogari të këtij grupi. Në datën 20 ka shkuar atje.

Të gjitha vaktet i konsumonte te ai lokal. Shqiptarët atje nuk bëjnë luftë me njeri-tjetrin. Kartelet atje janë në luftë me njeri-tjetrin. Në Sao Paolo ka rrezikshmëri të lartë. Atje për pagesa të vogla të bëjnë namin e jo më për trafik të madh kokaine. Shqiptarët s’të vrasin atje, se ta gjejnë anën këtu. Është e njejtë me rastin e Ekuadorit.

Shqiptarët që shkojnë atje nuk janë të ekspozuar se ndryshe mund të dëmtohen. Janë biznesmenë të paligjshëm. Ky rast nuk është peng. Këta janë koordinatorët, njerëzit që bëjnë rakordimin e ngarkesës, linjës, cfarë linje do marrë kontenieri, kush do e marrë ngarkesën. Këtë punë bën ky, këtë bënte dhe Tresa. Goditja është bërë nga karteli”, tha Hoxha në ‘Opinion’.

Ndërsa gazetarja Klodiana Lala u shpreh se Zelka sipas informacioneve ishte në Sao Paolo të Brazilit si një garanci.

“Kartelet atje i kanë të pikasur dhe të lokalizuar personat që shkojnë për trafik droge apo që bëjnë lidhje. SPAK më ka dhënë informacione që ky person nuk ka qenë i skeduar, nuk kishte hetim pasuror për të. Dyshohet se përmes kësaj kompanie që kishte në Çeki janë bërë transaksione të mëdha parash. Nuk ka rekord të hapur në prokurori Ilir Zelka. Ky ishte peng atje, një lloj garancie”, tha Lala.