Një person ka humbur tragjikisht jetën ditën e sotme në Korçë, pasi ka rënë aksidentaisht nga zetori. Ngjarja e rëndë ka ndodhur në fshatin Dishnicë të qytetit verilindor dhe viktima është identifikuar si Kostika Nunka 60 vjeç.
Burime për Faxweb bëjnë me dije se 60-vjeçari ka qenë pasagjer në zetor dhe në momentin kur ka tentuar të ngjitet ka rënë dhe si pasojë e dëmtimeve të marra ka ndërruar jetë. Policia ndodhet në vendin e ngjarjes dhe po punon për zbardhjen e saj.
Njoftimi i plotë i policisë: Korçë/ Informacion paraprak
Më datë 20.10.2020, rreth orës 13:15, në afërsi të fshatit Dishnicë, shtetasi K. N., rreth 60 vjeç, duke lëvizur me një mjet tip zetor, me drejtues shtetasin A. Sh., rreth 53 vjeç, dyshohet se ka rënë aksidentalisht nga rimorkio e këtij mjeti dhe për pasojë ka gjetur vdekjen e menjëhershme.
Drejtuesi i mjetit A. Sh., u shoqërua nga shërbimet e policisë për veprime të mëtejshme proceduriale. Grupi hetimor po punon për sqarimin e rrethanave të aksidentit.
Discussion about this post