Vijon të tërheqë vëmëndjen e mediave dhe opinionit publik ngjarja makabër e ndodhur mëngjesin e sotëm, ku Naum Toshi vari dy fëmijët e tij 4 dhe 6-vjeçarë dhe më pas vari edhe veten.
Sipas së motrës së Toshit, Lindita Golka, i vëllai jetonte vetëm me dy fëmijët pasi bashkëshortja kisthe muaj që ishte larguar nga banesa.
“Vëllai jetonte vetëm me dy fëmijët, gruaja ishte larguar para dy muajsh”, ka thënë motra për mediat e pranishme.
Ajo ka rrëfyer se, para se të ndërmerrte aktin makabër, Toshi ka lënë një shënim ku shkruante “ngjituni lart”.
Krimi ka ndodhur gjatë natës, ndërkohë që trupat janë gjetur mëngjesin e sotëm.
Ka dyshime se fëmijët mund edhe të jenë mbytur, por për saktësimet e nevojshme pritet përgjigja e ekspertizës.
