Rrëshqitja masive e dheut u ka marrë jetën të paktën 42 personave në Kamerun.
Gjatë mbrëmjes të së hënës, shtëpitë e fshatit Bamoungoum u shkatërruan të gjitha duke izoluar banorët nën rrënoja.
Shkak i kësaj rrëshqitje janë shirat e shumtë që kanë përfshirë vendin ditëve të fundit.
Deri tani Forcat e Emergjencave Civile kanë arritur të shpëtojnë 8 persona nga rrënojat të cilët janë jashtë rrezikut për jetën ndërkohë që vazhdon kërkimi për personat e tjerë.
Ndër personat që humbën jetën raportohet se ishin 26 fëmijë. Presidenti i vendit, Paul Biya dërgoi ngushëllimet familjarëve të viktimave dhe ka ngritur një fond për t’u ardhur në ndihmë banorëve.
Terreni i krijuar e ka vështirësuar punën e ekipeve të shpëtimit, ndaj nuk mund të arrijnë një raport final për personat e mbijetuar dhe numrin e saktë të viktimave.
Discussion about this post